කාරණාව මේකයි ..ගොඩක් දෙනා මේ වෙද්දී බලල ඇතිනේ
සිතුම් පැතුම් රයිටර්ගේ මෙන්න මේ ලස්සන සිනා රසය පිරි කතාව ..
මේකේ අවසාන හරියට වෙන්න තියෙනවා මළ ගෙවල් වලට එහෙම
තහඩු හට් දෙන එක සීයා කෙනෙක් ගැන කතාවක් ..දෙබස මෙහෙමයි ..
"මරණාධාර සීයේ....මරණාධාර සීයේ..!!!""හිපාටුවෝ තොගේ අවමගුලත් මේ ගමන්ම ගන්න ඕනෙනම් තව පොඩ්ඩක් හයියෙන් ඔහොම කතා කරපන්..ඒක ලේසියි එක පාර දෙකක් ගන්න එක." අපිත් එක්ක ආව ඔඩියාට කනේ පාරක් ගහන ගමන් රම්බා කිව්වා."ආ ළමයිනේ..මගුලක්ද..කොටහළු මගුලක්ද..අවමගුලක්ද""මගුලක් මගුලක් සීයේ හැබැයි අවමගුලක්"සීයාගේ කට මල පිපිලා පරවුනා වගේ වුනා"සීයේ අපිට හට් දෙකම ගන්න ඕනෙ..කොහොමද සීයේ හට් දෙක අඳුන ගන්නේ පැටලෙන්නේ නැතුව" මම ඇහුවා."හෙහ් හෙහ් හෙහ්... බය වෙන්න එපා කොලුවෝ මම එකක රතු ගෑවා""එතකොට සීයේ අනික"
"ඒකෙත් රතු ගෑවා" සීයා හෙන ආඩම්බරෙන් කියපි.
උපුටා ගැනීම අවසන් ..හැමෝටම හිනා යන්නැතිනේ ඒ දෙබස
අවසාන උන විදිහට ..ඒ වගේම " මරණාදාර සීයා " වගේ මෝඩයෙක්
කියලත් හිතෙන්නැති ...
ඒත් දැන් මම ඔප්පු කරන්න යන්නේ ඒ සීයාගේ නිහඬ බුද්ධිය ගැන .
හිතන්න ඔබ ඒ සීයා කියල ..දැන් ඔබ යනවා භූමිදාන කටයුතු අවසන් උන
මළ ගෙදරට..
මළ ගෙදර හැමෝම හට් ගලවනවා , පුටු අස් කරනවා , ටෙන්ට් ගලවනවා
වගේ වැඩ රාජකාරි ගොඩයි ..කඩියෝ වගේ වැඩ ..
ඒත් බලන්න වට පිට ...
ඔහොම නෙවේ හොඳට බලන්න ..
දැක්කද ...
පුටු , ටෙන්ට් , යකඩ බට , ටකරන් ,
දැන් ඉතින්
" ළමයෝ මේකේ අනික් බටේ කෝ "
" නෑ නෑ මේක නෙවේ අනික් දිග එක "
" තව ටකරමක් අඩුයි "
" කෝ ඒක "
" යටින් තියෙන බේස් එක කෝ "
" ඕවා මාරු උනොත් පළේම රුයිතෙට යන්නේ "
" කෝ කොකු දෙක මෙතන්ට එන "
" ඕවා මාරු උනොත් පළේම රුයිතෙට යන්නේ "
" කෝ කොකු දෙක මෙතන්ට එන "
කිය කියා කිසිම කෙනෙක්ගෙන් අහන්න ඕනේ නැහැ ..
ගාණට රතු පාට ගාපු හට් දෙකේ යකඩ බට , ටකරන් , අනිත්
කළමනා ටික පැහැදිළිව පේනවා නේද ..?
කොහොමද සීයාගේ මොළේ ..?