ළන් වීමක මිහිර .

              ජීවිතයේ අනේක අවස්ථාවන්හීදි යම් පුදගලයින් හා කතා බහ කිරීමටත් , එක්ව රාජකාරි කරන්නටත් සිදු වේ. ඇතැමුන් තුළින් කිසිදු විශේෂයක් පිළිඹිබු නොවූවද , ඇතැමුන් අපටත් හොරා අප සිත් පැහැරගන්නා අවස්ථා මා ජීවිතය තුලදී අද්දැක ඇත. විටක ඔවුන්ගේ ගුප්ත හැසිරීම අප සිත් සොරා ගනී , තවත් විටක ඔවුන්ගේ කතා විලාසය අප සිත් සොරා ගනී. රාජකාරීමය වශයෙන් හමුවුවද ඇතැම් අය අපටද නොදැනී ජීවිතයම වෙලා ගනී. රාත්‍රී නිදි යහනේ සිටින නොයෙක් වර එවැන්නන්  ගැන කල්පනා කරන වාර අනන්තය. කිසිදු අගක් මුළක් සිතා ගැන්මට නොහැකිව " මැදක් " පමණක් ඉතිරිව තිබියදී ඔවුන් සැඟවී හමාරය. කොහි සිට ආවෙහිද , කොහි යන්නේදැයි සිතා ගැනීමට තබා ඔවුන් මෙහි කුමක් කරනේදැයි යන්නවත් සිතා ගැනීම පෙහේළිකාවකි.

             ඈ යුරෝපයේ පදිංචිකාරියකි. හැඩකාරියකි. නිතර වෙනස් වන සුළු ලෝකය සමග මනාව ජීවිතය හැඩගස්වා ගන්නියකි. එහෙත් එහෙත් එහෙත් ඈ තුළින් හෙළි නොවන යම් දෙයක් ඇත. ඇගේ ජීවිතයෙන් පුරා වසර 8 පමණ කාලයක් සම්පූර්ණ හිඩැසකි . ඒ ගැන මතකයන් අලුත් වන සෑම විටකදීම ඇගේ හැසිරීම් මා නිරීක්ෂණය කර ඇත. ඈ මටත් සඟවා හෙළන සුසුම් දැනෙන්නට තරම් මාද ඇයට ලංවී හමාරය . ඇයටද නොදැනී ඇයව වෙනත් ලෝවකට ඇදී යන සැටි , තත්පර 20 කට පමණ පසු මතකයෙන් නික්ම මා දෙසට හැරී " ඉතින් ශාන් කියන්න " කියමින් වෙනත් මාතෘකාවක් මා හා මුල පුරයි.

         
             ඈ අපහසුතාවයට පත් විය හැකි යැයි සිතා ඇගේ සුසුමට හේතුව මෙතෙක් විමසා නැත. එහෙත් ඇය ගැන මතකයන් සමඟ රෑ නිදි යහනේ තනි වන මගේ සුසුම් හඬ දැන් දැන් මටද බරක් , අපහසුවක් ගෙනෙන්නට වේ.

             හොර රහසෙන් මා ඇයව තේරුම් ගැනීමට පෙළඹි සිටින්නේ මේ නිසාය. සිතේ කොණක අගුලු ලා ඇති  අතීතයක් යලි ඇවිස්සීම යනු තුවාලයක් පෑරීමක් බඳුය. එසේ පෑරීමෙන් පසු නිසි අවධානයකින් ප්‍රතිකාරයක් නොලදහොත් ලේ විලක් මැදම ඈ දිවි නිමා කරණු ඇත. ඉතින් පැසවූ තුවාලය රෙදි පටියකින් බැඳ සඟවා ගනිමින් හැකිතාක් කාලයක් ජීවත් වීම වටි යැයි ඈ සිතනවා විය හැකිය. අනිවාර්යෙන්ම මේතාක් කාලය පුරා අමිහිරි අද්දැකීම් තුළින් ඇගේ තුවාලය පෑරුණු වාර ගණන අනන්ත විය යුතුය.


             නොයෙක් අවස්ථාවන්හීදී " අනේ ශාන් මට තියෙනවා ඔයාට කියන්න දෙයක් " කියමින් කතාවකට මුල පුරන්නාක් මෙන් වූ තාරුණ්‍යයෙන් මට ලන් වුවද " ඒත් මට බැහැ ශාන් මට බැහැ. ඔයාට ලන් වෙන්න මට බැහැ " යැයි  කියන්නාක් වූ ස්වරයෙන් ඈ පිටව යයි. ඇගේ එවැනි හැසිරීම් නිසා මාද බොහෝ වේදනාවට පත්ව ඇත. මේ ගැන සිතන නොයෙක් වර මා ගත කල යොවුන් ආදර සමය සිහියට නැඟේ. එවකට නම් සිහින ලොවකට පිවිස රැය පහන් කල හැකිව තිබිණ. එහෙත් අද මා ඉදිරියේ ඇති ප්‍රශ්නය කෙතරම් ගැඹුරුද ? දඟකාර කමක් , පුංචි විහිළුවක් කර ලෙහෙසියෙන් පැන යා නොහැකිය. 

**********

       යම් දිනෙක ඇය මා හා එක්ව මේ සියල්ල බෙදා ගැන්මට සැරසුනොහොත් මා කෙසේ එයට මුහුණ දිය යුතුද ? ඈ කොපමණ දුරකට මට ලන් වනු ඇතිද ? මා එවැන්නකට සූදානම්ද ? මා එවැන්නකට නිදහස්ද ? හ්ම්ම්ම්ම්ම්ම් මේ ගැන සිතන්නට එක රැයක් ප්‍රමාණවත් නැත. මා දැන් නම් හොඳින්ම ඇගේ සිතැඟි හඳුනාගෙන අවසන්ය.  එසේ පැවසීමට හේතුවක් ඇත. ඒ කිමෙක්දැයි කී සැණින් මේ ලිපිය කියවන ඔබ සියලු දෙනාටද අප දෙදෙනාගේ සිතුම් ගොඩ නැගෙන ආකාරය තේරුම් යනු ඇත.


           ඇගේ ප්‍රශ්නය තේරුම් ගැනීමට මග බලා සිටින මගේ සිතට මෙය මෙතරම් බරක්ව සිත චංචල කිරීමට සමත් නම්, මේ සියලු බර ඈ කෙසේ නම් උහුලා සිටිනු ඇත්ද ? ඇයද බොහෝ රාත්‍රීන්හීදී මේ ගැන සිතනවා විය යුතුය . ඇගේ ලෝකයට පිවිස ඇගේ කෝණයෙන් මේ ගැන බැලු විට මට දැනී ගියේ ඇයද මහා දුකක් , බරක් හිතින් විඳිමින් ජීවත් වන බවය.



               " ශාන්ට මේ ගැන කීමෙන් එයා මා ගැන වරදක් හිතාවිද ? ඔහු කෙසේ මගේ අතීතය තේරුම් ගනු ඇතිද ? වසර ගණනාවකට පසු මා මෙතරම් විවෘත වූ එකම කෙනාද ඔහුයි. ඔහුවත් මට අහිමි වේවිද ? අහෝ...! මගේ පවුකාර අතීතය " මෙවැනි සිතුවිළි රාශියක් මැද ඈ අතරමංව සිටිනවා විය හැකිය..


                 " දැන් දැන් මට ශාන්ව සිහි වන වාර ගණන බොහෝ වැඩිය. ඔහු හා කතා බහේ යෙදෙන විට දැනෙන ලෙන්ගතුකම මින් පෙර වෙනත් අයෙක්ගෙන් විඳ නැහැ. එහෙත් ඒ ලෙන්ගතුකමින් මත්ව, ඔහු හා බැඳෙන්නට මට හැකි වේද ? එවැනි බැඳීමක් ඔහු කෙසේ නම් හඳුනාගනු ඇත්ද ? ගිණිදැල්ලකට පෙම් බඳින්නියක සේ මේ යන ගමන කෙසේ විය හැකිද ? අහෝ...! මගේ පවුකාර අතීතය "



            " යම් දිනක ඔහු මාගෙන් ඉවතට පියඹා ගියහොත් ? යලි  තනිව තටුසලා නිවහනට එන්නට මට ශක්තියක් ඉතුරුව ඇත්ද ? එසේ එන්නට නිවහනක් කොහේ හෝ මට ඉතුරුව ඇතිද ? ඔහු සමගින් ඉගිලී යන රහස් අතීතය නැවත පාරාවළල්ලක්ව මගේ තටු සිඳිනු ඇත්ද ? අහෝ...! මගේ පවුකාර අතීතය "


             " අනේ ශාන් මට සමාවෙන්න. ලන් වෙන්න බැරි කමකට නෙවේ පැටියෝ මන් මෙහෙම කරන්නේ. ඒත් මට ලන් වෙන්න බැහැ. මට බැහැ ඔයාව සදහටම නැති වෙනවා දකින්න. එවැනි නැති වීමකට වඩා මෙවැනි මැරී මැරී ඉපදීමක් මට වටිනවා. ඔයාව මට වටිනවා ශාන් ඔයාව මට වටිනවා. "



                 " මාව හැමදාම මතක් වෙන්න ඔයාට මම පුංචි තෑග්ගක් දීලා යනවා. ඒ තමයි මගේ අනාගතය. ඒක ආදරෙන් වැළඳ ගන්න ශාන්. මම අද ගුවනට ගියායින් පස්සේ ආයේ එන්නේ නැහැ ඔයාව දකින්න. "

             මෙවැනි ඇරඹුමකින් මා හමුවට පැමිණි ඈ , මා සමග ඉගිල ගිය ඈ ; කියූ පරිදිම මිළ කළ නොහැකි තෑග්ගක් මා සුරතේ තබා දෙව්ලොවට නික්ම ගියාය...!

දේදුන්නේ      පාට       පාටින්      ආදරේ     බැන්ඳු
සංසාරේ        වන්දනාවේ        ප්‍රේමයේ        ලන්ඳු
සංධ්‍යාවේ   නිම්   වළල්ලේ ,  මායාවී   දෑස   දැල්වී
කව්රුන්දෝ ඈ නොවේදෝ , ඈ  මගේ නේදෝ ..?

Happy Anniversary my love ..!
Joyeux anniversaire mon amour ..!

 ප.ලි. රාජකාරි හේතුවෙන්ම මා හමුවට පැමිණි ඈ , රාජකාරි අතර තුරම මා හැර ගොස් තිබුණි.


මගේ සිඟිති දියණියත් , අපේ ලෝකයත් .If you have a weak heart please DO NOT read!

තාත්ති අර ආන්ටිගේ කුක්කු ලොකු ඇයි ..? 

This post has been updated for the third time to include statements!

ප.ප.ලි. තම රාජකාරී ජීවිතය තුළදී එකිනෙකා දැනහඳුනාගත්තාවුන් දෙදෙනෙකු ගැන සටහනකි. තරුණිය පියාසර නිළධාරිනියකි. රාජකාරි අතරතුරදී ඈ දිවි නිමා කර අවසන්ය. ඔවුන්ගේ විවාහ සංවත්සරය මෙසේ ගෙවෙයි. මෙහි බොහෝ කොටස් සිතාමතා ඉවත් කිරීම හේතුවෙන් ඔබට අපැහැදිලි සහගත තත්වයක් ඇති වුණි නම් කණගාටුව. එසේ වුවද මේ ගැන මාගෙන් විමසු සියලු හිතවතුන්ට පුද්ගලික ප්‍රණාමය පුද කරමි.




02 ප්‍රහාරක ජෙට් නියමුවෙකුගේ සහ ප්‍රහාරක හෙළිකොප්ටර් නියමුවෙකුගේ වෙනස් කම් 02 fighter-pilot-requirements".

ප්‍රහාරක ජෙට් නියමුවන් පුහුණු කිරීම . Fighter Pilot Requirements.".