ෂර්ලොක් හෝම්ස් රහස් පරීක්ෂණ - ජීව විද්‍යාඥයාගේ අභිරහස් අතුරුදහන් වීම Sherlock Holmes -Dr. Victor Wolfenstein-01.

                   පසු ගිය සති කීපය පුරාම හෝම්ස් සහ මම උතුරු අයර්ලන්තයේ පරීක්ෂණ කීපයකට සභාගී වී සිටියෙමි. හෝම්ස් වඩාත් උනන්දුවෙන් එම කටයුතු නිමා කලද අයර්ලන්තයෙන් නැවත පැමිණීමට දින කීපයකට පෙර මට මෙසේ පැවසීය.

" වොට්සන් මගේ මිත්‍රයා මම නැවත පැමිණෙන්නේ හෙට නොව ඊට පසු දිනයි. අපේ මේ අයර්ලන්ත ගමනින් අපි මීට වඩා යමක් ගෙන යා යුතුයිනේ මගේ මිත්‍රයා. එහෙම නේද ? " සරදම් අයුරින් හේ පැවසීය. සමහර විට දිනය පුරාම හෝටල් කාමරයට වී සිටින මගේ අලස ඉරියව් වලට ඔච්චමක් සේ ඔහු එසේ පැවසූවා විය හැකිය.


        ලහි ලහියේ තරමක ප්‍රමාණයේ බෑගයක් ලැස්ති කරගනු ලැබුවේය. ඒ වන විටත් එතුළ කුමන හෝ පරීක්ෂණ කටයුත්තකට අදාළ බඩුබාහිර ඇති බව මට තේරුම් ගියේය.


" හොඳයි . ඔබ කියන්නේ ඔබ එන තෙක් ඔබට ලැබෙන පණිවිඩ බාර ගන්න කියලනේ ? ඒක මම කරන්නම් හෝම්ස් " උදෑසන පත්තරයේ පිටු පෙරලමින් සිටි ගමන්ම මා කීවෙමි.



               සාමාන්‍ය එළි මහන් භාවිතයට සුදුසු ලෙස සැකසු උඩුකය ඇඳුමකින් හා ඝන කැන්වස් රෙද්දෙන් මැසූ කලිසමකින් සැරසී සිටි හෝම්ස් මල්ලද රැගෙන පිටව ගියේය. ඉන් දින දෙකකට පසු හෝම්ස් නැවත පැමිණියේ කුළී රියකිනි. එයින් බැස ගත් ඔහු කඩිසර ලෙස හෝටල් කාමරයට එන බව මම කව්ලුවෙන් බලා උන්නෙමි.


" හොඳයි වොට්සන් අපි සවස 3.25 දුම්රියෙන් නැවත ලන්ඩනය බලා පිටත් වෙනවා. ගමනට සියල්ල සූදානම්ද මිත්‍රයා ? . තව ටික වේලාවකින් සේවකයෙක් පැමිණ අපේ ගමන් මලු ඉවතට ගෙනයන්න උදව් කරාවි. "

_____________________

                 එලෙස පෙර දින රාත්‍රියේ හෝම්ස් සහ මම 221B බේකර් වීදියේ  නිවසට එන විට රාත්‍රී අහාර ගන්නා වේලාවට ආසන්නව තිබිණි. අද උදෑසන සිට හෝම්ස් කාමරයට වැදී කිසියම් පරීක්ෂණයක යෙදී සිටී. මා ඔහුගේ කාමරයට ගිය විට දුටුවේ ඔහු අයර්ලන්තයේ සිට රැගෙන ආ මල්ලෙන් එළියට ගත් යම් යම් දෑ මේසය පුරා විසිරව ඇති බවකි.


" වොට්සන්, තව සුළු වේලාවකින් අප හමුවීම සඳහා තරුණ නෝනා මහත්මියක් පැමිණේවි. පසු ගිය දිනක ඇය ඒවා තිබු විදුලි පණිවිඩ අද උදේ මා පිරික්සුවා. එහි සඳහන් ආකාරයට නම් මේ තරුණ නෝනා ලොකු කරදරේකට වැටෙන්න යන හැඩයි " එසේ කියමින් ඔහු විදුලි පණිවිඩ ඇති තැන අතින් මට පෙන්වීය.

" හ්ම්ම්ම්ම් පෙනෙන හැටියට තවත් අභිරහසක් වගේ. ඔබට හිතෙන්නේ නැද්ද මේ තරුණියගේත් සම්බන්දයක් ඇතියි කියා මේ සිද්දියට හෝම්ස් " කීප වරක් ලියමන කියවීමෙන් අනතුරුව මට දැනුණේ එවන් සිතුවිල්ලක්.



                       මේ කතා බහ අතරතුර දොර සීනුව නාද කරන හඬ ඇසුණු හෙයින් මා එදෙසට ගියේ දොර විවෘත කර ඇයව පිළිගැනීමේ අපේක්ෂාවෙන්.


" සුබ මධ්‍යහනක් ඔබට හෝම්ස් මහත්මයා.මා ඔබව හමුවීමට එන බව දන්වා ලිපියක් තැබූවා. මම ෂෙරිල්. " බිය සැක නැතිව කතා බහේ යෙදුණු තරුණිය.




" සමාවන්න සමාවන්න. මා නොවේ හෝම්ස් , මා නමින් වොට්සන්. හෝම්ස් ඔබව හමුවීමේ අපේක්ෂාවෙන් රැඳී ඉන්නවා. කරුණාකර එන්න ඇතුළට "


" එන්න අසුන් ගන්න ෂෙරිල් මෙනෙවියනි. මේ ඉන්නේ මගේ සහායක මා මිත්‍ර වොට්සන්. ඔහුගේ රැඳී සිටීමෙන් අප කතා බහට බාධාවක් නැහැ. නිදහසේ ඔබේ ගැටලුව ඉදිරිපත් කරන්න " ඒ හෝම්ස්



             වයස 26 ක් පමණ වන යුරෝපා ඇඳුමෙන් සැරසුණු ෂෙරිල් පැමිණ සිටියේ ඇයට අයිති වාහනයකිනි. රථයේ රියදුරු පහළ රැඳී සිටින බව පෙනෙන්නට විය.


" මා දැනට වසරකට පමණ පෙරයි ලන්ඩනයේ පදිංචියට පැමිණියේ. ඒ මගේ උසස් අධ්‍යාපන කටයුතු සඳහා. මගේ පියාගේ හැඳුනුම්කමක් අනුවයි ආචාර්ය වික්ටර් වුල්ෆ්ගේ නිවසට පැමිණියේ. ඔහු නිතර නිවසේ ගැවසුණේ නැහැ. නිවසට ආසන්නව ඉදි කර ඇති ඔහුගේ පරීක්ෂනගාරයේයි ඔහු නිතර කල් ගත කලේ. නිවසේ වැඩ කටයුතු සඳහා මැතිල්ඩා නම් වූ කාන්තාවක් ඉන්නවා. නිවසේ ඉවුම් පිහුම් , අපස්ස් කිරීම් ආදියයි ඇය අතින් ඉටුවුණේ. මා එම නිවස බද්දට ගත්තද , මැතිල්ඩා සේවයේ තබා ගත්තේ ඇය අහිංසක එකියක් සේ පෙනුන නිසා සහ වුල්ෆ් මහතාගේ ඉල්ලීම පිටයි හෝම්ස් මහත්මයා. ඇත්තෙන්ම ඇය කීකරු සේවිකාවක්. "


" මට කියන්න ෂෙරිල් වෙනත් කව්රුන්ද ඔබ සමග නිවසේ පදිංචියට පැමිණියේ? " එවර හෝම්ස්


" බොහෝ විට මා සමග බෙකි ඉන්නවා. බෙකි කියන්නේ කුඩා කල සිටම මා හදාවඩා ගත් මගේ නැනි. ඇයගේ ස්වාමියා වන මිෂර් නිතර පැමිණ අපගේ සුව දුක් සොයා බලනවා. ඔහු නැවතී සිටියේත් එම නිවසේමයි මහත්මයා. ඔවුන් දෙදෙනාම දැන් විශ්‍රාමිකයි . ඉතින් මා සමග නිතර කල් ගෙවනවා " ෂෙරිල්


" දැන් මට කියන්න මේ වුල්ෆ් මහත්මයාගේ අතුරුදහන් වීම ගැන කරුණු " හෝම්ස්


" වුල්ෆ් මහත්මයා දැනට මාස තුනක සිට නිවසට පැමිණියේ නැහැ. ඔහු යන එන තැන් මින් පෙරද අපට දැනුම් නොදෙන නිසා ඒ පිළිබඳව අප කිසිම සැලකිල්ලක් දැක්වූයේ නැහැ . ඒත් හෝම්ස් මහත්මයා හදිසියේම පොලිස් නිළධාරීන් පැමිණ ඔහු අතුදහන් වී ඇති බවත් , ඒ ගැන මා සැක කරන බවත් දැනුම් දීමක් කළා. මේක හරිම පෙහෙළිකාවක් මහත්මයා. තව මාස 4 කින් පමණ නැවත මා ප්‍රංශයට යාමටයි අදහස් කර තිබූවේ. එහෙත් මේ ප්‍රශ්නය නිසා මට රටින් පිටවීමත් අවහිර වෙලා "


" හ්ම්ම්ම්ම්ම් මට කියන්න ෂෙරිල් අපේ ආචාර්යතුමාව හමුවෙන්න වෙන කව්රුද ආවේ ගියේ. මම අදහස් කලේ ඔහුගේ හිතවතුන් , මිතුරන් වැනි අය ගැන ." දුම් පයිප්පය දල්වා ගත් හෝම්ස්. ඔහුගේ එම හැසිරීමත් සමග මට පෙනී ගියේ විසදීමට අභිරහසක් අපට ලැබී ඇති බවයි.



" ඔහු හමුවීමට පැමිණි අය නිවසට ආවේ ගියේ නැහැ හෝම්ස් මහත්මයා. ඔහුගේ පරීක්ෂනගාරයේයි එවැනි හමුවීම් පවා උනේ. ඉඳ හිට වෙලාවක තේ පැන් සංග්‍රහයක් වැනි දෙයක් නම් නිවසේ පැවති අවස්ථා නැතුවා නොවේ. එහෙත් එසේ පැමිණි අය කව්රුන්දැයි මට වැටහීමක් නැහැ. " ෂෙරිල්



" ඔබ උසස් අධ්‍යාපන කටයුතු කරන්නේ කුමන විශයන් ගැනද ෂෙරිල් ? " හදිසියේ වෙනත් ප්‍රශ්නයක් හෝම්ස් ඇසුවා..



" ආ හ් හ් මෙහ් මෙහ් නීතිය ගැන හෝම්ස් මහත්මයා. මගේ පියාගේ ආසාවක් ඒක " තරුණිය ආයාසයෙන් උත්තර දුන්නාය.



" හොඳයි ඔබව මුණගැසීමට මා දිනයක් යොදාගෙන පැමිණෙන්නම්. කරුණාකර මට කියන්න ඔබේ නිවසේ ලිපිනය සහ ඔබ නිවසේ රැඳී සිටින වෙලාවක්." හෝම්ස් තරුණියට එසේ පවසමින් මා දෙස හැරුණේ ලිපිනය සටහන් කරගන්නට සන් කරමිනි.



             ලිපිනය සහ හමුවීමට වේලාවක් ලබා දී ඇය අපට ආචාර කර සමුගෙන ගියාය. ඇය පිටව ගිය පසු හෝම්ස් මා හා කතාවට මුල පිරීය.



" මේ තරුණිය රුසියානු හමුධා නිළධාරිනියක් වොට්සන්. ඉහළ නිළයක් දරන්නියක්. බොහෝ විට පියාද යුධ සේවයට සම්බන්ධ කෙනෙක්. ඒ කෙසේ නමුත් ඔවුන් සියලු දෙනා අකරතැබ්බයකට මුහුණ දීමට යන හැඩයි. "


" පොඩ්ඩක් ඉන්න පොඩ්ඩක් ඉන්න. කොහොමද ඔබ ඒ ගැන දැනගත්තේ. ඇය එනතුරු පහළ පුද්ගලයෙක් ඉන්න හැඩනම් පෙනුණා. ඔබ කියන්නේ ඔවුන් සියලු දෙනා හමුධා නිළධාරීන් බවද ? "


" හොඳින් බලන්න වොට්සන්. ඇයගේ ගවුම් වල/අත් ලේන්සුවෙහි යොදා තිබු තනි තිත් කතිර මැස්ම. එවැනි තද මැසීමක් යොදාගන්නේ හමුදා නිළ ඇඳුම් වල. විශේෂෙන් මෙය ආවේණික සෝවියට් දේශයේ නිළ ඇඳුම් වලට. ඇයගේ උච්චාරණයේ වෙනසක් හොයන්නත් බැහැ. එහෙම වෙන්නේ කුඩා කල සිටම භාෂා කීපයක් කතා කරන්නට බලෙන් හුරු කිරීම නිසයි. ඒ විතරක් නෙවේ උරහිසින් පළඳින ගිනිඅවි රඳවනයක්ද ඇය පැළඳ සිටියා. ඔබ එය දුටුවාද මගේ මිත්‍රයා? "



                 හෝම්ස් වහා ඔහුගේ පැරණි පත්තර ඇති කබඩය වෙත ගොස් W අකුරෙන් පටන් ගන්නා බහාලුම විවර කර වික්ටර් වුල්ෆ් ගැන සොයන්නට විට. වැන්ගාර්ඩ් , වෙස්ට් , ... .... .. ... වුල්ෆ් !


" වුල්ෆ් මහත්මයා ප්‍රසිද්ධ ජීව විද්‍යාවට වොට්සන්. ඔහු පරීක්ෂණ කරලා තියෙන්නේ ශාක ගැන. නොයෙක් විදිහේ ශාක වල එකතුවක් ඔහු සතුව තිබිලා තියෙනවා ලෝකයේ විවිධ දෙසින් පැමිණි. ඇතැම් ඒවා ඉතාම දුර්ලභයි.  වුල්ෆන්ශ්ටයින් යන පෙළතේ හැටියට මොහු ප්‍රංශ සම්භවයක් ඇත්තෙක්. Victor Wolfenstein යන නම ප්‍රංශ බසින් උච්චාරණය වෙන්නේ "වික්ට්ථ වුල්ෆන්ෂ්ටයින්" යනුවෙන් වොට්සන් ###

#### . මන් හිතන්නේ මේ තොරතුරු ඔස්සේ අපිට ඉදිරියට යන්න පුළුවන්. " ජයග්‍රාහී දෙවන කඩ ඉම වෙත ලඟා වෙමින් සිටි හෝම්ස්.

Russian Translations - Little Spy. රුසියානු පරිවර්තන - පුංචි ඔත්තුකරුවා සහ තරුණ මේජර්වරයා ( ගිලිහි ගිය තම පියාගේ මතකය )