දැන්වීම් පුවරුව . ( පින්තූර මතට මවුස් පොයින්ටරය රැගෙන යන්න )

දැනට වසර දෙකක පමණ සිට සෑම සතියකටම වරක් ලිපියක් හෝ දෙකක් පළ කළෙමි. සිත් ගත් ලිපියක් වේ නම් හිතමිතුරන් අතරත් බෙදාගන්න.

මෙම වෙබ් අඩවිය ලෝඩ් වීමට පමා වේ නම් මෙම ලින්ක් එක භාවිතා කරන්න.

Go and get Sinhala Unicode to your Computer
Face Book Link Share.

September 23, 2013

සල්ලාල බිරිඳට ලියු පෙම් පත . Domino Dancing - PET SHOP BOYS 1987


              වසර ගණනක් ආදරේ කරලා , කල්-යල් බලා විවාහ වූ තම බිරිඳ සල්ලාල ලෙස වෙනත් පිරිමින් පසු පස යයි නම් ස්වාමියාට කෙසේ දැනේවිද? විටක කෝපයත් තවත් විටක කළකිරීමත් සමග ඔහු නිදිවර්ජිත වනු ඇත. එහෙත් නැවත තමන් පෙම් කළ අතීතය සිහි වී ඇයට සමාවදීමට බලාපොරොත්තුව හිඳිනා ස්වාමියෙකුගේ හැගීම් කෙසේ වේවිද ?


               මේ ගීතයේ එම සිදුවීම් සියල්ල කැටිව තිබෙනවා. Domino Dancing නම් වූ ගීය 1980 දශකයේ අතිශයින් ජනප්‍රිය වූ PET SHOP BOYS නම් වූ බ්‍රිතාන්‍ය සංගීත කණ්ඩායම විසින් ගයනු ලබනවා. 1980 වසරේදී නීල් ටෙනන්ට් සහ ක්‍රිස් ලුවී එක්ව PET SHOP BOYS සංගීත කණ්ඩායම ආරම්භ කරනවා. සංගීත සංයෝජනය ක්‍රිස්ගෙන්ද , ප්‍රධාන ගායනය නීල්ද ලබා දෙනවා. පුද්ගලිකව මගේ ප්‍රියතම සංගීත කරුවා වන්නේද PET SHOP BOYS සංගීත කණ්ඩායමයි. ඉදිරි ලිපි මගින් ඔවුන්ගේ තොරතුරු සහ වෙනත් ගීත ගැන කෙටි සටහනක් මගේ පුද්ගලික අද්දැකීම් සමග තබන්නම්.



               අර්ථයත්  , සංගීතය හා එක් වූ මෙලඩියත් සමග මේ ගීතය බිල්බෝර්ඩ් චාර්ට් තුළ මාස කීපයක් රඳවා තැබීමට සමත් වූවා. එංගලන්තයේ 7 ,ඔස්ට්‍රියාවේ 19, ප්‍රංශයේ 40, ජර්මනිය 3 ,ඉතාලිය 4, නොර්වේ 5 ,ස්වීඩන් 6 , ස්විට්සර්ලන්තයේ 5. මුළු යුරෝපය පුරාම රාත්‍රී සමාජ ශාලා තුළ මෙහි club versions අතිශයින් ජනප්‍රිය භාවයට පත් වූවා. පුද්ගලිකව මා සේවයේ යෙදුණු රාත්‍රීන්හිදී මා විසින් නොනවත්වා මේ ගීය විනාඩි 35 ක් පමණ කන්සෝලයෙහි රඳවා වාදනය කළ වාර ගණන 80 කටත් වඩා වැඩිය.  මේ ගීතය නිකුත් වූයේ 1987 වසරේදී. වසර 26 ක් පැරණි මේ ගීතයයට සවන් දීමේදී ඉලෙක්ට්‍රොනික් නාද සංකලනයන් භාවිතයට පැමිණි මුල්ම අවධියේදී පවා ඔවුන් පෑ දස්කම් කෙසේද කියා ඔබට තේරුම්ගත හැකි වනු ඇත. එසේම ගීත ලක්ෂ 12 කට පමණ හිමිකම් දරණ මා සහෝදර නෑෂ් පවසන පරිදි ලොව පුරා පැතිර යමින් පවත්නා වූ AIDS වෛරසයේ ආදීනවද මෙම ගීතයේ අර්ථය ලෙසින් සඳහන් කරන්නත් පුළුවන්. 80 දශකය තුළදී ලොව පුරා කාම රැල්ලක් ඇතිව තිබූවා. එහි ප්‍රතිඵලයක් ලෙස දරුණු ලෙස AIDS වෛරසය පැතිර ගොස් තිබෙනවා. රති සුව විඳීමේ අහිතකර බලපෑම් ගැන මානුශීයවත් , අර්ථවත්වත් කියා පාන මේ ගීය රස විඳින්න. මෙම ගීතයේ වීඩියෝව තුළ ඇතුළත් වන්නේ කාන්තා සහ පුරුෂ රති සුව විඳීමේ ඉඟි ඇතුළත් දර්ශනයි. ( මන්ද බොහෝ අයවලුන් මෙය සමලිංගික සම්බන්දතා හුවා දක්වන්නක් බවට වරදවා තේරුම්ගන්නවා. එවැන්නක් මෙහි ඇතුළත්ව නැත. ) එරික් වොට්සන් විසින් මෙහි රූප රචනය/අධ්‍යක්ෂණයද , ඩෝනා බොට්මන් විසින් කාන්තා චරිතයද නිරූපණය කරනවා. මෙහි පද පෙළ නීල් ටෙනන්ට් සහ ක්‍රිස් විසින් නිර්මාණය කර තිබෙනවා. ( "සල්ලාල" යන යෙදුම යොදා ගන්නේ බොහෝ විට පුරුෂ පාර්ශවය අරමුණු කරගෙනය. ස්ත්‍රීන් සඳහා යෙදෙන වදන බ්ලොග් අඩවියකට නුසුදුසු බැවින් "සල්ලාල" යන යෙදුම ස්ත්‍රියක් හමුවේ වුවද භාවිතා කළෙමි.)


**************************

පෙම් කල අවදියේදී ඔබේ රුව මනසින් මෙනෙහි කරමින් විඳි රසය , ඔබේ හැඩකාර ගමන බිමන බලා සිටි අයුරු , ඔබේ දඟකාර ඉරියව් , සරාගී ආරාධනාවන් තවමත් මතකයේ ඇත. මා පමණක් නොව වෙනත් අයද ඔබේ ඒ මිහිර විඳි බව මා දනිමි. ඔබව දුටු අයෙක් දෙවන තෙවන වරටද ඔබ දෙස හැරි බලනයුරු දැන සිටි මුත් කෙදිනකවත්  සිතුවේ නෑ ඔබ වෙනතක යාවි කියා.






I don't know why, I don't know how
I thought I loved you, but I'm not sure now
I've seen you look at strangers too many times
A love-you-once is of a, a different kind

එසේ වූයේ ඇයිද කියා මා දන්නේ නැහැ එසේම මා දන්නේ නැහැ එසේ වූයේ කෙළෙසකද කියා වත්. විවාහයෙන් පසුද වෙනත් ආගන්තුකයන් ඔබ දෙස හෙළු ඒ සරාගී නෙත් , ඔබද ආගන්තුකයන් වෙතට හෙළු ඒ සරාගී බැලුම් මට ඉවසිය නොහැක. මා ඔබට පෙම් කළ අතීතය මා ඉදිරියේ හිස්ව ඇත. කළකිරීම් රැසක් අතර මා තනිව ඇත. ඔබට පෙම් කළ බව ඇත්තයි, එහෙත් ඒ ප්‍රේමාන්විත හැගීම් අද කොහිදැයි මා නොදනිමි.




Remember when we felt the sun
A love like paradise, how hot it burned
A threat of distant thunder, the sky was red
And when you walked, you always - turned every head

මා ඔබේ උණුහුම විඳියුරු . ඔබ හා තනි වූයුරු . ඉහිලුම් නැති හිරුගේ රශ්මිය හා එක්ව සරාගී පරාදීසයේ ඔබ හා කිමිද ගියයුරු අදටද මා මතකයේ ඇත. ඔබ පසු පසින් පැමිණෙමින් තිබූවා වූ සරාගී බවේ මහත් වූ විනාශයද දුටිමි මා. ආගන්තුකයන් හා ඔබ එක් වීමේ සේයාවන්ද දුටීමි. සරාගී ගතින් ඔබ ලත් දායාදයන්ද දුටීමි. ඒවා පිළිගත් අයුරුද දුටීමි. ළඟ ළඟම පුපුරා යන්නට පෙළ ගැසෙන්නා වූ රත් වූ අහසද දුටීමි.




(All day, all day) Watch them all fall down
(All day, all day) Domino dancing
(All day, all day) Watch them all fall down
(All day, all day, domino dancing)

සදාකාලික වූ සත්‍ය නම් සියලු දෙනා ඇද වැටෙනා-යුරු පමණයි.
චපලත්වයේ නිර්ලජ්ජිත රංගනයේ යෙදුණු සියලු දෙනා ඇද වැටෙනා-යුරු පමණයි.
සදාකාලික වූ සත්‍ය නම් සියලු දෙනා ඇද වැටෙනා-යුරු පමණයි.
චපලත්වයේ නිර්ලජ්ජිත රංගනයේ යෙදුණු සියලු දෙනා ඇද වැටෙනා-යුරු පමණයි.





I thought that when we fought I was to blame
But now I know you play a different game
I've watched you dance with danger, still wanting more
Add another number to the score

ඔබත් මාත් අතර ඇතිවුණා වූ බහින් බස් වීම් , බැනවැද ගැනීම් වලට වැරදි කරු මා යැයි මෙතෙක් කළක් මුළුල්ලේ මා සිතා සිටි මුත් ඊට වැරදි කරු මා නොවන බව දැන් දනිමි. මෙතෙක් කළක් තිස්සේ ඔබ කළා වූ බොරුව , වංචාව , ප්‍රෝඩාව දැන් ඔබ ඉදිරියේම එළිව ඇත. ඔබට විනෝදයක් වූ , මට වේදනාවක් වූ ඒ බියකරු සෙල්ලමට ඔබ පෙම් කළාවූ-යුරු අද මට තේරුම්ව ගොස් ඇත. ගිණිදැල්ල සමග ඔබ රමණයේ යෙදුණු-යුරු , තව තවත් එයටම ලංව බැඳුනු-යුරු , එකකින් නොනැවතී තව තවත් ගිණිදැල් හා එක්ව බැඳුනු-යුරු , එකක් බැගින් එකක් සේ ඔබේ චපලත්වයේ වටිනාකම වැඩි වූ අයුරු දුටීමි.







(All day, all day) Watch them all fall down
(All day, all day) Domino dancing
(All day, all day) Watch them all fall down
(All day, all day, domino dancing)

සදාකාලික වූ සත්‍ය නම් සියලු දෙනා ඇද වැටෙනා-යුරු පමණයි.
චපලත්වයේ නිර්ලජ්ජිත රංගනයේ යෙදුණු සියලු දෙනා ඇද වැටෙනා-යුරු පමණයි.
සදාකාලික වූ සත්‍ය නම් සියලු දෙනා ඇද වැටෙනා-යුරු පමණයි.
චපලත්වයේ නිර්ලජ්ජිත රංගනයේ යෙදුණු සියලු දෙනා ඇද වැටෙනා-යුරු පමණයි.



When you look around you wonder
Do you play to win?
Or are you just a bad loser?

මගේ සොඳුරියනි , ඔබ පසුපස පැමිණි සල්ලාල පුරුෂයන්ගේ ප්‍රමාණය දුටු විට ඔබට ආඩම්බරයක් දැනේද ? මහත් වික්‍රමයක් කළාවූ හැගීමක් දැනේද ඔබට ? එසේ නැතිනම් විශාල වරදක් සිදුව ඇති බව දැනේද ඔබට ?





I don't know why, I don't know how
I thought I loved you but I'm not sure now
I hear the thunder crashing, the sky is dark
And now a storm is breaking within my heart

මෙසේ වන්නේ ඇයිද කියා මා දන්නේ නැහැ එසේම මා දන්නේ නැහැ මෙසේ වන්නේ කෙළෙසකද කියා වත්. දැනේ මට අඳුරුව ඇති අහසෙන් අනතුරක්. ගිගුරා හැලෙන්නට ආසන්නව ඇති අහස ගෙනෙයි ඔබට විපතක්. ඒ බව දැනී මා හද තුළ පුපුරා යන හෙණ හඬ දැනේද ඔබට මා සොඳුර. මගේ හද පැළී විසිර යන්නට ප්‍රථම පැමිණෙන්න මා වෙත...!



(All day, all day) Watch them all fall down
(All day, all day) Domino dancing
(All day, all day) Watch them all fall down
(All day, all day, domino dancing)







සදාකාලික වූ සත්‍ය නම් සියලු දෙනා ඇද වැටෙනා-යුරු පමණයි.
චපලත්වයේ නිර්ලජ්ජිත රංගනයේ යෙදුණු සියලු දෙනා ඇද වැටෙනා-යුරු පමණයි.
සදාකාලික වූ සත්‍ය නම් සියලු දෙනා ඇද වැටෙනා-යුරු පමණයි.
චපලත්වයේ නිර්ලජ්ජිත රංගනයේ යෙදුණු සියලු දෙනා ඇද වැටෙනා-යුරු පමණයි.
ගීතය ලබා ගැනීමට අවශ්‍ය නම් ( 1.7mb )
M. Shermiya Fernandezqe for http://obeth-mageth-addakeem.blogspot.com

73 comments:

  1. මේ විදිහටවත් මේ අදහස කියාගන්න බැරි. එහෙත් මේ වේදනාව, ලැජ්ජාව, ආත්මය පෙලන දුක, සඟවාගත් සෑහෙන සැමියන් පිරිසක්, ලෝකයේ ඉන්නවා.

    ReplyDelete
    Replies
    1. විචාරක තුමාගේ කමෙන්ට් එක තුළ සෑහෙන බරක් තියෙනවා.. ඔලුවෙන් බරක් තිබ්බා වගේ දැනෙනවා කමෙන්ට් එක දකිද්දී.. මෙසේ ජීවිත විනාස වූ සියලු දෙනා ගැන අනුකම්පා කරමු අපි...

      Delete
    2. @ ඇනෝපාල


      වැරදි අදහසක් ගන්නවා එහෙම නෙවේ...අපි මේ කතා කරන්නේ පොදුවේ..

      Delete
  2. සින්දුව මම අද තමයි මුලින්ම ඇහුවේ. හරිම අපුරුයි

    ReplyDelete
    Replies
    1. මේ සින්දුව යූරොප් නයිට් ක්ලබ් වල නොකඩවා ප්ලේ වුනු සින්දුවක් කළු පූසෝ.. ඒ තරමට මේ සින්දුව ලස්සනයි සහ රිද්මයෙන් අනූනයි.. අදට උනත් මේක ප්ලේ කලොත් අඩුම තරමේ දෙපාරක් ගහන්නම වෙනවා dedication වලට .. ඒ තරම් ලස්සන ගීතයක් ... මම දීලා තියෙන්නේ ජර්මනියේදී ලයිව් ගහපු වර්ෂන් එකක් ... ඩවුන් ලෝඩ් කරගෙන අහන්න 2 mb වගේ පොඩි ෆයිල් එකක් ... අහන්නම වටිනවා ඩේටා අමතක කරලා ..

      Delete
    2. Go west අහලා තියෙනවා, ගෙදර ගිහින් මේකත් ඩවුන්ලොඩ් කරල බලන්නම්,

      Delete
    3. අනිවාර්යෙන්ම ඔයා ආස වේවි ගජින් මේ සිංදුවට.. 3,4 පාරක් නොකඩවා අහයි මේ සිංදුව..

      Delete
  3. මම වැඩිය බටහිර ගිත අහන රසිකයෙක් නෙමෙයි..අද තමයි මේ තොරතුරු ඉස්සෙල්ලාම කියෙව්වෙ..ස්තූතියි සහන්..

    ReplyDelete
    Replies
    1. මේ සිංදුව සෑහෙන්න ලස්සනයි සිරා.. මේක ඩිස්කෝ වර්ගයේ නයිට් ක්ලබ් වර්ෂන් එකක් .. තේරුම අමතක කරත් මෙලඩි එකට ආස වේවි.. මම මීට කලින් මේ වගේ සින්දු ගැන elakiri.com එකට ලියපු පෝස්ට් ඇති ගොඩක්..ඒවා ටිකත් වෙලාවක දාන්න ඕනේ.. පිටට නොපෙන්නුවට මම රැකියාව කරන්නේ මේ සම්බන්ධව.. පස්සේ ඒවගෙන් ඈත් වෙලා වෙනත් දේවල් වලට යොමු උනා.. දැන් නම් ඒ සියල්ල හීනයක් වගේ...

      Delete
  4. සිංදුව මං අහලා තිබුනට එක මට එතරම් වැදිලා තිබුණු එකක් නෙවෙයි, එත් අද සහන්ගේ විස්තරයත් එක්ක එක අහුවම අලුත් බවක් දැනෙනවා, ස්තුතියි සහන්, බටහිර ගීත වලට මං එච්චර ප්‍රිය නෑ වැඩිය තේරෙන්නේ නැති එකත් එක හේතුවක් වෙන්න ඇති, එත් මේ විදිහට අහන්න තියෙනවනම් නියමයි, දනටම් තුන් සරයක් විතර ඇහුවා සහන්ගේ විස්තරය කියව කියවා ...
    මම ගොඩක් බටහිර සින්දු ඇහුවේ ගිටාර් පාට තියෙන සහ ගිටාර් පාට් අහන්න විතරයි.

    ReplyDelete
    Replies
    1. ප්‍රගීත් කියපු හේතු නිසා අපෙන් දුරස් වෙලා යන බොහෝ ගීත තියෙනවා.. ලස්සන මෙලඩියක් / අර්ථයක් තියෙන ගීත ලෝකේ හැම රටකම තියෙනවා. එවැනි ගීත පුළුවන් විදිහට බෙදාගන්න එක වටිනවා..තේරුම දැනගෙන සිංදුව අහද්දී තවත් බැඳෙනවා ගීතයට..

      මාත් මේ සිංදුව දැන් දහස් පාරකට වඩා අහලා ඇති.. අදටත් රසයේ අඩුවක් නැහැ...ඉලෙක්ට්‍රොනික් මියුසික් ආවේ 70 ගණන් වල අග හරියේදී.. 90 දශකයේදී නයිට් ක්ලබ් සමග ලොකු පෙරළියක් උනා( අන්ඩර් ග්‍රවුන්ඩ් , ටෙක්නෝ එහෙම ඇති වුණේ නයිට් ක්ලබ් නිසා ). ඉලෙක්ට්‍රොන්ක් මියුසික් ආව අලුතම බොහෝ ගීත නිර්මාණය උනා අදටත් නොකඩවා ප්ලේ වෙන....මෙවැනි ගීත වල ස්වර්ණමය යුගය 90 දශකය..

      Delete
    2. //මම ගොඩක් බටහිර සින්දු ඇහුවේ ගිටාර් පාට තියෙන සහ ගිටාර් පාට් අහන්න විතරයි.//
      මමත් එහෙම තමයි බං.

      Delete
  5. සැබෑ ලෙසම ඔවැනි ප්‍රශ්න ඇති උදවිය අද සමාජේ ඉන්නවා පිටට පෙන්වන්නේ නැති උනාට. අරුත් බර ගීතයක්

    ReplyDelete
    Replies
    1. තමන්ගේ බිරිඳ / පෙම්වතිය මෙහෙම වැඩ කරද්දී දැනෙන දුක , පීඩනය වැඩියි.. පිට කෙනෙක්ට කියන්නත් බැහැනේ ...

      Delete
  6. A threat of distant thunder. The sky was red කියලා අදහස් වෙන්නේ ඒඩ්ස් රෝගය ගැන. රෝගය සිරුරට ඇතුළු වුන ගමන් ක්‍රියාකාරී වෙන්නේ නෑ. distant thunder කියලා හදුන්වලා තියෙන්නේ එ නිසා.

    රෝගය ක්‍රියාකාරී වුන අවස්ථාව විස්තර කරලා තියෙන්නේ I hear the thunder crashing, The sky is dark, පදයෙන්.

    ReplyDelete
    Replies
    1. චාර්මි කියන දේ හරි.. මමත් ඒකයි ගීතයට පිටින් ඒ කොටස උපුටලා දක්වලා තියෙන්නේ ගීතයේ මූලික අර්ථයට හානියක් නොවෙන්න..


      ""ලොව පුරා පැතිර යමින් පවත්නා වූ AIDS වෛරසයේ ආදීනවද මෙම ගීතයේ අර්ථය ලෙසින් සඳහන් කරන්නත් පුළුවන්. 80 දශකය තුළදී ලොව පුරා කාම රැල්ලක් ඇතිව තිබූවා. එහි ප්‍රතිඵලයක් ලෙස දරුණු ලෙස AIDS වෛරසය පැතිර ගොස් තිබෙනවා. රති සුව විඳීමේ අහිතකර බලපෑම් ගැන මානුශීයවත් , අර්ථවත්වත් කියා පාන මේ ගීය රස විඳින්න.""

      70 ගණන් වලදී සෑහෙන්න AIDS වෛරසය පැතිරිලා තියෙනවා.. මේ ගීය තුළ කතා කරන්නෙම රති සුවය සහ එහි අනිටු ඵල ගැන සෞඛ්‍ය අතින් සහ සමාජීමය අතින්..( තව බොහෝ දෙනා සමලිංගික එක් වීම් ගැනද මෙහි ඇතුළත් යැයි සළකනවා..ගීතයක් තුළ බොහෝ අර්ථ දකින්න පුළුවන් ) කෙසේ උනත් තහනම් ගහේ ඵල භුක්ති විඳින්න ඕනේ පරිස්සමින් ...

      Delete
  7. මට නං කියන්න තියෙන්නේ තම බිරීද වෙනත් අය සමග යනවා නම් එහි වරද සැමියා ගේ බවයි.

    ඔවුන් දෙදෙනා ලිංගිකව ගැලපෙන්නේ නෑ.

    මා කලින් මේ හොඳ විවාහයකට අනිවාර්ය කොන්දේසියක් ලිව්වා. පස්සේ ලින්ක් එකක් දාන්නම්.

    ReplyDelete
    Replies
    1. මෙන්න සහන් කියවන්න.:

      කසාදේ රැකගන්න අනිවාර්ය කොන්දේසියක් - A necessary condition for a successful marriage
      http://kathandara.blogspot.com/2012/04/necessary-condition-for-successful.html

      !

      Delete
    2. කකා ඔබ යම් දිනයක සදහන් කරා ඔබගේ බ්ලොග් රෝලේ ඇත්තේ ඔබ කියවන බ්ලොග් කියලා.... දැන් ඔබ මේ බ්ලොග් සටහන නැවත කියවන බව පැහැදිලියි..... එහෙනම් මේ බ්ලොගය ඔබේ බ්ලොග් රෝලට ඈදා ගැනීමේ කාලය හරි නේද?

      Delete
    3. @ ඇනෝ


      කකා මේ ඇවිත් ඉන්නේ ලාංකීය සින්ඩිය හරහා... ඔහුගේ පරිගණක ලොග් සටහන් මගින් ඒ බව පෙන්නන්න පුළුවන්.. ලාංකීය අඩවියේ ඇඩ්මින් වරයා ළඟ සහ මා ළඟ විස්තර තියෙනවා...

      @ කකා


      ඉන්න මම පෝස්ට් එක කියවලා ඉන්නම්...ලින්ක් එක දුන්න එක හොඳයි...

      Delete
    4. Host Name/Web Page/Referrer/Visitor Path : syndi.lankeeya.lk/
      Time System : 23 Sep 09:51:58 C
      Location : Bxxxxx Vxxx, Nxxxxx, Australia Txxx Internet Pty (1x.6x.xx0.x46)

      Delete
    5. මා වෙනුවෙන් වචනයක් හෝ කීම ගැන ඇනෝපාලයට ස්තූතියි...

      Delete
    6. සියලු දෙනාම කියවිය යුතු පෝස්ට් එකක් කකා මේ දීලා තියෙන්නේ... අතිශයින් වැදගත් ....

      Delete
  8. //"සල්ලාල" යන යෙදුම යොදා ගන්නේ බොහෝ විට පුරුෂ පාර්ශවය අරමුණු කරගෙනය. ස්ත්‍රීන් සඳහා යෙදෙන වදන //

    ඔන්න ඕක තමයි ලංකාවෙ එවුන්ගෙ මානසිකත්වය.... ගෑනියෙක් වෙන එකෙක් එක්ක නිදි වැද්දොත් ඒක වේX කම...... පිරිමියෙක් මොන අවලං වැඩේ කරත් ඒක සල්ලාල කම.... වනචර කම උඩින් සල්ලාල කියන අයිසින් තට්ටුව දාලා තමයි ඉදිරිපත් කරන්නෙ... වෙන එකක් තියා ගෑනුන්ගෙ මතයත් ඕකයි.....

    සහන්ගෙ මේ වචන භාවිතය තුලින්ම පිරිමි වනචරකම් කිරීමේ අවිඥානික සාධාරණීකරනය පිළිඹිබු වෙනවා.....

    ගෑනි... පිරිමියා... කියලා නෑ කවුරු කරත් වේX කම තමයි......

    ReplyDelete
    Replies
    1. නැහැ මිත්‍රයා මෙතන තියෙන්නේ භාෂාමය විරිතක් නේද ..? පිරිමි තහනම් ගහේ ගෙඩි කද්දී ඒකට කියන්නේ " සල්ලාල " කියලා.. ගැහැණු තහනම් ගහේ ගෙඩි කද්දී ඒකට කියන්නේ ඒකට පොදු වහරේ කියන්නේ " වේස "කම කියලා... " සලෙලුන් , සල්ලාලයන් " වැනි වචන පුරුෂ ලිංගයෙන් බොහෝ විට යෙදෙන්නේ..


      \\වනචර කම උඩින් සල්ලාල කියන අයිසින් තට්ටුව දාලා තමයි ඉදිරිපත් කරන්නෙ... \\

      මම එකඟයි...

      \\\සහන්ගෙ මේ වචන භාවිතය තුලින්ම පිරිමි වනචරකම් කිරීමේ අවිඥානික සාධාරණීකරනය පිළිඹිබු වෙනවා.....\\\

      මම එකඟයි...

      \\\ගෑනි... පිරිමියා... කියලා නෑ කවුරු කරත් වේX කම තමයි......\\

      මම එකඟයි...දැන් මෙතන වෙලා තියෙන ගැටලුවට 100% මාව අල්ලන් කන්න හදන්න එපා.. :(

      Delete
    2. හ්ම්... කමක් නෑ... අපි ඔව්වා අල්ලලා දාලා අර විචාරක මහත්තයාගෙ ප්‍රශ්නෙ ගැන අවධානය යොමු කරමු...... අපිටත් ඒ වගේ වෙයිද කියලා කවුද දන්නෙ... ජීවිතේ හැටි....

      Delete
    3. සංසාරේ සංසාරේ ...!

      Delete
    4. බියවිය යුතු නෑ ඒකත් වේස කමම තමයි.. මේ වගේ පුරුෂාධිපත්‍ය ඉහලින්ම තියෙන රටක සහන් කියලා වෙනසක් නෑ..

      Delete
  9. මමත් අද තමයි මේ සින්දුව ඇහුවේ ස්තුතියි අපත් සමග මෙය බෙදා ගත්තාට

    ReplyDelete
    Replies
    1. සේව් කරගන්න මොරේ.. නිතර නිතර අහන්න වටිනා සිංදුවක්...

      Delete
  10. මාරයි බොක්කටම වැදුනා. ජිවිතයේ කවදාහරි ඔය අත්දැකීම විදින්න වෙනවා නම් සමහරවිට අපි දැනුවත්ව නැත්තම් නොදැනුවත්ව....අමාරුයි දරාගන්න

    ReplyDelete
    Replies
    1. \\\ජිවිතයේ කවදාහරි ඔය අත්දැකීම විදින්න වෙනවා නම් සමහරවිට අපි දැනුවත්ව නැත්තම් නොදැනුවත්ව.\\\\

      මෙන්න මේ කොටස මටත් හොඳටම වැදුණා මචන්.. අපේ ගෑණු වෙන අය එක්ක නිදිවදිනවා , අපි වෙන අයගේ ගෑණු එක්ක නිදිවදිනවා.. අපි හතරගොල්ලෝම ------------------ ... පුදුම කාලකන්ණි තත්වයක්..

      Delete
  11. මීට කලින් මේ සිංදුව අහල තිබ්බෙ නෑ. වෙලාවක ඩවුන්ලෝඩ් කරගෙන අහල බලන්න ඕනි.

    ReplyDelete
    Replies
    1. ඔය කිව්වට අමතක වෙයිද දන්නෙත් නැහැ චම්ස්ට්..

      Delete
  12. මේ ගීතයත් එක්ක මෙයාලගෙ ගීත කැසට් පතුරු යනකන් අසමින් රස වින්ද.
    ඇත්තටම අපේ රතුවගෙන් තමයි මේ වගේ විස්තරයක් දැනගත්තෙ.
    ඔබ ඔහුටත් එහා ගොස් විස්තර කරල තියෙන විදිය නම් හරිම අපුරුයි.
    ගීතය රස වින්දත් උච්චාරණය අපැහැදිලි නිසා ගොඩක් අයට තේරුම් ගත නොහැකිය.
    ඉඩ ලැබෙන පරිදි ගීත ගැනත් මෙහෙම ලියන්න බලන්න මල්ලි.

    ReplyDelete
    Replies
    1. ඉස්සර මම elakiri එකට මෙහෙම ලිව්වා අය්යේ.. මේ බ්ලොග් එකෙත් ඒවා දාන්න ඕනේ.. මම හිතුවේ නැහැ කෙන්ජයියා මේ තරම් ආසයි කියලා මේවට..අපි බලමු තව ඉස්සරහට තව තව ගීත වල අර්ථය ගැන කතා බහ කරන්න..

      Delete
  13. අහලා නැති සිංදුවක්,මේ විස්තරය දැන ගත්තෙත් අද/
    බොහෝම ස්තුතියි සහන්.

    ReplyDelete
    Replies
    1. ස්තූතියි මනෝජ්.. සින්දුව ඇහුවද ඩවුන්ලෝඩ් කරන් ...?

      Delete
  14. This comment has been removed by the author.

    ReplyDelete
  15. පෙට් ෂොප් බෝයිස්ලගේ, "යූ පේ මයි රෙන්ට්" කතාවෙන් පස්සෙ වෙන්න ඇති, මේක ලියන සිත් පහල උනේ. "ඉට්ස් අ සින්" වගේම, අනිත් ගීතවලත් සැඟවුන අර්ථා රාශියක් තියෙනවා.. ඒ වගේම සංගීතයත් උපරිම. වීඩීයෝව නොදැමීම ලිපියට කරන ලද අසාධාරණයක්..

    ReplyDelete
  16. මාතලන්,

    මම ඕඩියෝ ෆයිල් එක විතරයි දැම්මේ..වීඩියෝ එක දැම්මට බලන්නේ බොහොම සුළු පිරිසනේ..ඔන්න එහෙනම් දානවා..මේ වගේ ගොඩක් සින්දු තියෙනවා පුදුම තේරුම් තියෙන..ඉඩක් ලැබෙන විදිහට අපි බලමු පෝස්ට් දාන්න..

    ReplyDelete
  17. අගේ ඇති බර සාර සටහනක් සහන්. කිසි දිනෙක නිර්මාණයක් තුළින් පෞද්ගලිකත්වය මනින්නට මම වෑයම් නොකරමි. තම බිරිය ගැන හිතින් විදවන ලොවේ සෑම සැමියෙකුටම මේ ලිපිය උපහාරයක් වේවා.

    ReplyDelete
    Replies
    1. ඔව් නලින් අය්යේ නිර්මාණයක් තුළින් කෙනෙක්ගේ පුද්ගලික ජීවිතේ දිහා හොරැහින් බලන්න හොඳ නැහැ...( තවත් දෙයක් වේස ගෑණු ගැන නම් හිතලා පලක් නැහැ )

      Delete
  18. මේක සැගවුනු ප්‍රශ්නයක්. බහුතරයක් සැමියන් විදවන ප්‍රශ්නයක් වෙන්නත් පුලුවන්..

    ඊයෙ බැලුවා ආශික් කියන හින්දි ෆිල්ම් එක. මම වැඩිය හින්දි බලන්නෙ නැති වුනත්, ඒකෙ සමහර සිද්ධි හොද පවුල් ජීවිතයකට ගැලපෙන්න හදල තිබ්බා.

    ජය !

    ReplyDelete
    Replies
    1. ඔව් සැමෝ .. අර මම ජෝන්ට කියලා තියෙන දේ බලපන්කො පොඩ්ඩක්... කකා දීලා තිබුණ ලින්ක් එකෙත් පුදුම වැදගත් කරුණු ටිකක් තිබ්බා.. මට දැන් ආශික් කියන ෆිල්ම් එක මීටර් වෙන්නේ නැහැ.. වෙලාවක බලන්න ඕනේ...

      උඹටත් ජය සැමෝ...!

      Delete
  19. ඉතාම මිහිරි ගීතයක්,රූප රචනයත් මනස්කාන්තයි,එහි එන අශ්වයන් සමග අදාළ රුවැත්තිය දර්ශනය වන රූප රාමුවෙන් බොහෝ යටි අරුත් සිතට දැනෙනවා.ප්‍රේමය නිසා අපමණ වේදනා විඳි සහ මෑතක සිට හුදකලාවේ නොදැරිය හැකි මට්ටමේ සිටින මගේ සිතට දැනුනු හැගීම් වචන වලට නැගීම අපහසු දෙයකි.

    ReplyDelete
    Replies
    1. ඇත්ත යාලුවා මෙවැනි දුකක් දැනිලා තියෙන කෙනෙකුට හරියටම මේ ගීතය තේරුම් යනවා.. ගීතය ඇහෙන වාරයක් වාරයක් පාසා සියල්ල එක පෙළට මතක් වෙනවා..

      පුද්ගලිකව මමත් ආදරේ නිසා සෑහෙන මුලාවට පත් වුනු කෙනෙක්..ඔබේ හැගීම් තේරෙනවා මට.. මම නම් ගොඩක් දේවල් නැති කරගත්තා පිට මිනිස්සු නිසා.. අපි ආදරේ කල යුත්තේ අපිට ආදරේ කරන කෙනෙකුට පමණමයි ...

      අපි ගැන තඹ දොයිතුවක් නොහිතන කෙනෙක්ට ආදරේ කරලා වැඩක් නැහැ .. මමත් මේ සත්‍ය තේරුම් ගත්තේ බොහොම පහු වෙලා..පෙරහරෙන් බාගයක්ම ගිහින් ඉවරයි එතකොට .. කොහොම හරි ජීවිතේ ගැටගහගන්න මිත්‍රයා ..

      මෙන්න මේ පෝස්ට් එක පොඩ්ඩක් බලන්න නිදහස් වෙලාවක...

      හිස් බව ඇති වීම සහ එයට විසදුම් | කෙදිනක හෝ වැදගත් විය හැකි නිසා කියවන්න..." :

      Delete
    2. බොහොම අසීරු කාලයක් ගතවෙන්නේ,ජීවිතයට වඩා මරණය සුවදායක ඇතැයි සිතෙන මට්ටමක මා ඉන්නේ.උණ්ඩ පිරවූ රිවෝල්වරයක් වැන්නක් මා ළඟ තිබුනානම් යැයි සිතෙන තරමට දැන් නම් ජීවිතය බරක්!!

      Delete
    3. ඔබට හැකි නම් ස්කයිප් මගින් මා අමතන්න.. මට පුළුවන් ඔබට ඇහුම්කන් දෙන්න... අපි බලමු මේ ප්‍රශ්නෙන් ගොඩ එන්න ... තමන්ට කව්රුත් නැහැ කියලා හිතන්න එපා... පුළුවන් නම් මට ඇමතුමක් දෙන්න...මට පුළුවන් උදව් කරන්න...

      Delete
    4. බොහොම ස්තුතියි මිත්‍රයා! විසඳුම මා විසින්ම සොයාගත යුතුයි.මෙය ප්‍රේම වියෝව පමණක් නිසා ඇතිවූ දෙයක් නොව හුදකලාව,තනිකම,තමන්ගෙන් තව දුරටත් සමාජයට පලක් නැති බව දැනීම,අනුන්ට කරදරයක් වී ඇති බව දැනෙන නිසා ඇතිවූ තත්වයක්.මේ මානසික තත්වයෙන් ගොඩ එන්නට මා වෑයම් කරමින් ඉන්නේ මේ කොමෙන්ටු පවා එම උත්සාහයේ ප්‍රතිඵල.කොහොම උනත් මිනිසුන් දිවි නසා ගන්නේ ඇයි දැයි දැන් මට හොඳින් වැටහෙනවා.ඔවුන් බියසුල්ලන් පිරිසක් ලෙස නොසිතන්නටත් දැන් මට හැකියි.අර්නස්ට් හෙමින්ග්වේ දිවි නසා ගන්නට ඇත්තේ,අද මා සිටින හිස් බවේ අමිහිරි බව දැනුනු නිසා විය යුතුය.තවමත් මා ජීවිතය පැත්තට වැඩි බරක් යොදමින් ඉන්නේ කියා කියන්නම්.කාලයට ඉඩදී බලන්නම්.

      Delete
    5. කාලයටම ඉඩ දෙන්න එපා.. ඇතැම් විට කාලයා විසින් තත්වය තවත් දරුණු කරනවා.. දැන් දැන්ම යමක් කල යුතුයි.. ඔබ කිව්වා වගේ මේ බ්ලොග් අවකාශයේ සැරිසරන්න.. පෝස්ට් කියවන්න.. කමෙන්ට් කරන්න ... ඔහේ කාලය ගෙවන්න ටික දවසක්...

      එක පාරට ලොකු පියවර තියන්න හොඳ නැහැ.. ඔක්කොටම කලින් ප්‍රොෆයිල් එකක් හදාගෙන එන්න අපි අතරට.. හිතට බරක් දැනෙන වෙලාවට මොනවා හරි බ්ලොග් එකක් බලන්න.. ඒකට කමෙන්ට් කරන්න... ඕනෙම වෙලාවක මට කෝල් එකක් දෙන්න..මන් ඉන්නවා අහගෙන ඔයා කියන දේවල්.. මොකද මාත් ඔය තත්වෙට පත් වෙලා උන්නු කෙනෙක් බොහෝ කාලයකට කලින්..ඉතින් හොඳටම දන්නවා තනි වීමේ විපාක...

      Delete
    6. තව දෙයක් ඔබ මේ ගීතය නැවත නැවත අහන්න එපා... මට හිතෙන විදිහට මේකෙන් වෙන්නේ නැවත නැවත තුවාලේ පෑරෙන එක විතරයි...

      ( මේක මම ඔබට විතරක් පුද්ගලිකව පැවසු දෙයක් බව සළකන්න )

      Delete
    7. ස්තුතියි මිත්‍රයා! පැරණි තුවාල කැළැල් සමඟ ජීවත්වෙන මා වැනි මිනිසෙකුට ඔබ දුන් දිරිය අගනා දෙයකි.කැළැල් ඇත්තේ සිතේ පමණක් නොවන බව කියන්නේ ඔබට මා කවරෙක්දැයි සිතා ගැනීමටයි.

      Delete
    8. ඉතින් මට කතා කරන්න ස්කයිප් හරහා..ඔබ කතා කිරීමට අකැමති නම් මම කියන දේ අහන් විතරක් ඉන්න...

      Delete
  20. කෝ අර හෝම්ස් කතාවේ ඉතිරි ටික .. මේක මරු සිංදුවක් .. මම අදමයි ඇහුවේ ...දැනට දෙපාරක් ඇහුව .. :)

    ReplyDelete
    Replies
    1. දාන්ඩ ඕනේ පැතුම්.. ඒකෙ තව පොඩ්ඩක් අකුරු , රූප එහෙම හදන්න තියෙනවා... මේ සින්දුව ලස්සනයි ගොඩක්... ගීත එකතුවට add කරගන්න වටිනවා...

      Delete
  21. බටහිර සිංදු අහන/වැටහෙන...කැමති කෙනෙක් නොවේ මම...මට මතකයි සයුරි...එකපාරක් "කන්ට්‍රිරෝඩ්ස්" ගීතය ගැනලියල තිබුන...එතන්දි ඒ ගීතයට මම ආශක්ත උනා.මෙයත් ඒ වගේ...
    ඇත්තටම ගීයක තෙරුමත් එක්ක රස විඳින විට දැනෙන මෙව්ව එක හරිම මිහිරියි/මතකයේ ‍රැ‍ඳෙයි.

    ReplyDelete
    Replies
    1. මේක ඩවුන්ලෝඩ් කරගෙන අහන්න වීයෝ... වීයා කියලා තියෙන සේරම කතා ටික ඇත්ත.. ලස්සන මෙලඩියක් , අර්ථයක් තියෙන සිංදුවක් ඇහුණම මතක හිටිනවා.. වීයා කාලෙකින් මොකවත් ලිව්වේ නැහැ නේද ..?

      Delete
  22. සහන් අදයි කියවුවේ. සිංහලෙන් ඉගෙන ගත් අයත්, සිංහල ගී වල තේරුම දන්නේ නැති කාලයක, ඔබගේ මේ ප්‍රයන්නය අගෙයි. ඒ වගේම ගීතයකට වගේම අනෙක් කෘතියකට අපට තේරුම් එකකට වඩා දෙන්නත් පුළුවන්. මා ඔය රාත්‍රියට ගීත රස විඳිනවා.

    ReplyDelete
    Replies
    1. මම දීලා තියෙන ලින්ක් එකෙන් සින්දුව ඩවුන්ලෝඩ් කරගන්න..ස්තූතියි රයිගම් ඔබේ පෝස්ටුවකටත් මා ඇතුළත් කල මෙවැනි සටහනක් තියේ නේද ? මට හදිස්සියට ඒක හොයාගන්න බැරි උනා ලින්ක් එකක් දාන්න.. ලියන්නම ඕනේ සින්දු 4 ක් විතර තියෙනවා රය්ගම.. වෙලාව එන හැටියට අපි ලියමු... කාලෙකින් නේද මේ පැත්තේ ..?

      Delete
  23. වරද කවුරු කරත් වරදක් තමයි.මෙවැනි වේදනා විදින ගැහැණු පිරිමි ඕනෑ තරම් ඇත.වැදගත් වන්නෙ ස්ත්‍රී පුරුෂ බව නොවේ.වැදගත් වන්නේ වරදයි.

    ReplyDelete
    Replies
    1. ගයනි කියන දේ ඇත්ත ... ඒත් මේ සින්දුවේදී අවධානය යොමු කරලා තියෙන්නේ ගැහැණියගේ චපලත්වය සහ එයින් ඇති වන විපාක ගැන... දුකට පත් සැමියෙකුගේ හඬ ඇසේද ඔබට ...?

      Delete
  24. සහන් මේව කියනකොට මට බඳින්නත් බයක් එනවා. හේහ..ඔය ගීතය මම අහල නෑ. අහල බලන්නම්. ඔය වගේ දෙයක් වුන කෙනෙක්ගේ හිත තේරුම් ගන්න ඔයින් පුලුවන් වගේම ආදරේ කරද්දි තිබුන පරණ දේවලුත් ලසස්නට මතක් කරනව වගේයි ලිරික්ස් ටික දැක්කම හිතුනේ. මේ වගේම මම කැමති ගීයක් තමයි Bob Marley ගෙ Is This Love කියන ගීතය.

    ReplyDelete
    Replies
    1. බඳින්න බය වෙන්න එපා.. මේක මේ එක්කෙනෙකුට වුනු දෙයක් විතරනේ.. ලෝකේ බොහෝ අය ඉන්නවනේ සාර්ථක පවුල් ජීවිත ගෙනියන.. අනිත් එක සාර්ථක පවුල් ජීවිතයක් ගෙනියන්න මෙවැනි සිදු වීම ගැන දැනගන්න එක වටිනවා...

      ආදරේ කියන දේ මහ පුදුම බැඳීමක් රති.. අපිට අපිව පාලනය කරගන්න බැරි තැනක් එනවා .. සමහර විට එය නිසාම අපිව විනාශයට ගෙනියනවා.. මතකයන් දරාගන්න බැරි තැනක් එනවා.. එදාට නම් ඉතින් කිසි දෙවි කෙනෙක් නැහැ පිහිටට ...

      ඒ සින්දුවත් අරන් අපි මේ වගේ පෝස්ට් එකක් හදමු වෙලාවක...

      Delete
  25. මාත් 80 ගනන් වල ඉදල රස වින්ද ගීතයක් තමයි මෙක. පෙට් ශොප් බොයිස් ලගෙ "රෙන්ට්" කියන සින්දුවෙත් තෙරුම දානවද සහන්. මොකො කොච්ච්චර ඇහුවත් යටි අදහස තෙරුම් ගන්න බැහැ එකෙ. ඇයි තව "කින්ග්ස් ක්‍රොස්" ගීතයත් නියමයි නෙද?

    ReplyDelete
    Replies
    1. මම අනිවාර්යෙන්ම Dr.ඇල්බන්ට එවන්න හිටියේ මේකේ ලින්ක් එක... මොකද Dr. ඇල්බන් අනිවාර්යෙන් මේ සින්දුවට කැමති කියලා දන්නවා..මේ සින්දුව මම කැමතිම ඒවගෙන් එකක්.. ඒවගේම මගේ කැමතිම ග්රූප් එක පෙට් ශොප් බෝයිස් ....පුදුම ආසාවක් ඒක..දැන් අවුරුදු 20 25 ගිහිල්ලත් ආසාව නැති වෙලා නැහැ...

      හරි මම දාන්නම් ඒ සින්දු ටිකේම තේරුම .. අල්බන්ට මතකද නික් හන්ටර් ( හන්ටින් යු ඩවුන් )...? මම ඉස්සර EK එකට කරා ගොඩක් මේ වගේ සින්දු ගැන ලිපි.. ප්‍රොග්‍රේසිව් ට්‍රැක් ගැන තමයි ගොඩක් ලිව්වේ... කාලයක් මගේ මුළු ජීවිතේම වෙලා තිබ්බේ මේවා.. අන්සාර් ව දන්නවද ...?

      Delete
    2. නැහැ සහන් මතක නැහැ.

      එලකිරි එකනම් වැඩිය බලන්නෙ නැහැ. එකේ වැදගත් දෙයක් හොයා ගන්නවා කියන්නෙ පිදුරු ගොඩෙ නැති වෙච්ච ඉදිකට්ටක් හොයනව වගෙ අමාරු වැඩක්.

      මම ඔබට ඊයක් එව්ව. හම්බ වුනේ නැත්ද?

      Delete
    3. මාත් එතනින් අයින් උනේ ඒකයි ඇල්බන් .. එපාම උනා.. ගියොත් තියෙන්නේ මුස්ලිම් අයට බැනලා දාපු දෙයක් , නැත්නම් කාගේ හරි වල් පල් ගැන දෙයක්...

      ඉන්න බලන්න මම චෙක් කරලා ....

      Delete
  26. This comment has been removed by the author.

    ReplyDelete
  27. ඔන්න මාත් මේ පැත්තේ ආවා. සයිට් එක ලෝඩ් වෙනකොට ලොකු බරක් දැනෙන්නේ ඇයි ?
    ආපුම එකේ සිංදුවත් අහන්ඩ ඕන :)

    ReplyDelete
  28. අද ආවේ මමත් සමාවෙන්න අදයි දැක්කේ ඔයාගේ බ්ලොග් එක මට නම් මෙහෙ 100 mb /s නිසා ලෝඩ් වීමේ ගැටළුවක් උනේ නැහැ ,, ගොඩක් දේවල් අලුතෙන් දැනගත්තා ශාන් දිගටම එන්නම්

    ReplyDelete
  29. ෂර්ලොක් හෝම්ස් රහස් පරීක්ෂණ - ජීව විද්‍යාඥයාගේ අභිරහස් අතුරුදහන් වීම ඉතුරු කොටස් දෙන්නේ කවදද සහන් අයියෙ ක

    ReplyDelete

ඔබ කමෙන්ටුවක් දමයි නම් කරුණාකර මෙහි කමෙන්ටු E mail subscribe කරන්න .. නැතිනම් පිළිතුරු මග හැරී යනු ඇත ...

කමෙන්ට් යනු ඔබගේ අදහස් ප්‍රකශ කිරීමට සලසා ඇති ඉඩයි. සිතුවිලි ලියා තැබුණු විට අන් අයටද ප්‍රයෝජනයක් විය හැක !

http44444444://1.bp.blogspot.com/-F0lMkO9hSe8/UjM37DArTZI/AAAAAAAAAwo/wtP9O0K_6UE/s1600/543431_208554675978924_1215099537_n.jpg15099537_n.jpg

සහයෝගය දක්වන වෙබ් එකමුතු ...

මාතලන්ගේ සින්ඩිය...api apita Blog Readerlankeeya sithuwililankeeya sithuwili lankeeya sithuwili